Bugtong Bugtong

 
Bugtong: Kay lapit-lapit na sa mata, di mo pa rin makita.
Sagot: Tenga

Bugtong: Heto na ang magkapatid, nag-uunahang pumanhik.
Sagot: Mga paa

Bugtong: Dalawang batong itim, malayo ang nararating.
Sagot: Mga mata


Bugtong:Dalawang punsu-punsuhan, ang laman ay kaligtasan.
Sagot: Suso ng Ina

Bugtong:May tubig na pinagpala, walang makakakuha kundi bata.
Sagot: Suso ng Ina

Bugtong:Batong marmol na buto, binalot ng gramatiko.
Sagot: Ngipin


Bugtong:Baboy ko sa pulo, ang balahibo’y pako.
Sagot: Langka

Bugtong:Nakayuko ang reyna di nalalaglag ang korona.
Sagot: Bayabas

Bugtong:Isang prinsesa nakaupo sa tasa.
Sagot: Kasoy


Bugtong:Ate mo, ate ko, ate ng lahat ng tao.
Sagot: Atis

Bugtong:Isang tabo, laman ay pako.
Sagot: Suha

Bugtong:Kung tawagin nila’y “santo” hindi naman milagroso.
Sagot: Santol

Bugtong:Bulaklak muna ang dapat gawin bago mo ito kanin
Sagot: Saging

Bugtong:Hindi Lingo, hindi piyesta, naglawit ang bandera
Sagot: Dahon ng Saging

Bugtong:Tatlong bundok ang tinibag bago narating ang dagat.
Sagot: Niyog

Bugtong:Isang pamalu-palo, libot na libot ng ginto.
Sagot: Maisg

Bugtong:Bahay ni Gomez, punung-puno ng perdigones
Sagot: Papaya

Bugtong:Nang maglihi’y namatay, nang manganak ay nabuhay.
Sagot: Puno ng Siniguelas

Ang Bulaklak na Mirasol

Ano ang bulaklak na Mirasol? Ang mirasol o' hirasol (kilala sa Ingles bilang "sunflower" na ang literal na kahulugan ay "bulaklak na araw") ay mga halamang matatangkad na nagkakaroon ng malalaking mga bulaklak na kulay dilaw ang mga talulot ngunit kayumanggi ang gitnang bilog na bahagi.

Ang masaya at tila nakangiting mukha ng mirasol (sunflower) sa hardin ay nakapagpapasigla. Lalo na ang isang malawak na bukiring punung-puno ng kanilang matingkad na dilaw na mga bulaklak! Sumusunod sa galaw ng araw ang mga ito. Karaniwang matataas ang mga halamang ito na namumulaklak sa buong panahon ng taon, umaabot sa taas na 50 - 390 sentimetro.

E-play ang video at pagmasdan ang kagandahan ng malalaking Mirasol.

Ang pangalan ng mirasol sa wikang Latin, na Helianthus annuus, ay hinango mula sa mga salitang Griego na nangangahulugang “araw” at “bulaklak” at sa salitang Latin na nangangahulugang “taunan.” Gustung-gusto ng maraming tao bilang kukutin ang mga buto ng mirasol na tinusta nang bahagya at nilagyan ng kaunting asin. Ang mga buto ng mirasol ay ginagamit ding patuka sa mga ibon at pagkain ng maliliit na hayop. Ang bukid ng mirasol ay paraiso ng mga pukyutan —ang isang ektarya ng mirasol ay mapagkukunan ng 25 hanggang 50 kilo ng pulot-pukyutan.

Salawikain Tungkol sa Pag ibig

E-play lang po ang video sa baba

Salawikan Tungkol sa Pag-ibig: Ang pili nang pili natapatan ay bungi.

Ang ibig sabihin ng salawikain na ito ay kapag pili ka nang pili ay ang makukuha mo ang hindi mo gaano kagustong bagay. Huwag masyadong maging mapili. Maging sakto lang.

Salawikain Tungkol sa Pag ibig: Pagkahaba haba man ng prusisyon sa simbahan din ang tuloy.

Ang ibig sabihin ng salawikan ng ito ay sa tinagal-tagal man ng samahan ng magkasintahan, sa bandang huli ay humahantong din ito sa kasalan.

Salawikan Tungkol sa Pag-ibig: Ang pag-aasawa ay hindi biro. Di tulad ng kanin iluluwa kapag napaso.
Ang ibig sabihin ng salawikain na ito ay hindi biro ang pag-aasawa. Ito ay isang desisyon na pinag-iisipang mabuti at pinaghahandaan bago pasukin dahil sa panahon ng paghihirap at problema, ang mag-asawa ay dapat magkasabay na humaharap sa mga suliranin sa halip na tumiwalag at tumakas.

Salawikain Tungkol sa Pag ibig: Pagsasama ng tapat, pagsasama ng maluwat.
Ang ibig sabihin ng salawikain na ito ay, "ang pagsasalita ng katotohanan ay mahalaga upang manatiling matatag at mahaba ang pagsasama".

Salawikain Tungkol sa Pag ibig: Batang puso, madaling marahuyo
Ang ibig sabihin ng salawikain na ito ay, hindi dapat magpadalos-dalos ang mga kabataan dahil ang batang puso at madaling maakit. Dapat pinag-iisipang mabuti ang mga desisyon.

Salawikain Tungkol sa Pag-ibig: Walang matiyang lalaki sa pihikang babae.

Ang ibig sabihin ng salawikain na ito ay, kahit pa ano ang gawing panunuyo ng isang lalaki kung ayaw talaga ng babae rito ay wala ring mangyayari. Ipinababatid ng salawikain na ito na hindi natin mapipilit ang isang tao kung ayaw talaga nito sa atin. Marahil ay ibaling nalang sa iba ang pagtingin sa iba. 

Mga Pambansang Sagisag ng Pilipinas

Mga Pambansang Sagisag ng Pilipinas. Pindutin lang ang mga larawan upang mabasa ang karagdagang impormasyon patungkol dito.




Pambansang Awit ng Pilipinas - Lupang Hinirang
Pambansang Bayani ng Pilipinas - Dr. Jose P. Rizal.

Pambansang Bulaklak ng Pilipinas - Sampaguita
Pambansang Kasuotan ng mga Lalaki - Barong Tagalog
Pambansang Kasuotan ng mga Babae - Baro't Saya