E-type lang ang katanungan sa loob ng box at pindutin ang search salawikain sawikain
Custom Search

Bugtong Bugtong Tagalog May Sagot | 20 Halimbawa ng Bugtong Araling Pilipino Video #2

Bugtong Bugtong Tagalog May Sagot. Ang video na ito ay naglalaman ng dalawampung (20) Halimbawa ng mga Bugtong. Ito ang Bugtong Bugtong Araling Pilipino Video #2. Hanapin niyo lang po sa ating Youtube Channel ang iba pang mga videos na naglalaman din ng mga halimbawa ng bugtong sa Pilipinas.

E-play lang ang video na ito at e-pause kung kailangan ninyong isulat sa inyong kwaderno.

Alamat ng Saging

Ang Alamat ng Saging. E-play lang po ang video sa baba



Noong unang panahon ay may isang napakagandang prinsesa, kaya siya ay tinawag na Mariang Maganda. Ang kanilang kaharian ay malapit sa isang maliit na gubat na kung saan ay malayang nakakapamasyal ang mayuming kagandahan. Ang gubat ay puno ng iba't ibang magaganda, makukulay, at mababangong mga halamang namumulaklak. Nakagawian na ng prinsesang mamitas at mamasyal sa tila bang perpekting hardin para lamang sa isang prinsesang katulad niya.

Isang araw sa kanyang pamamasyal ay may nakilala siyang isang bagong mukha. Isang makisig na binata na halos kaedad din ng magandang prinsesa. May kakaibang naramdaman ang prinsesa sa makisig na binata na iyon. Lingid sa kaalaman ng prinsesa gayundin ang nararamdaman ng bagong kakilala sa kanya.

Nagpakilala ang binata bilang isang prinsipe ng isang malayo at kaibang kaharian. Araw-araw nagkita at nagkasama ang dalawa sa kagubatan hanggang sa magtapat ang prinsipe sa dalaga ng kanyang pag-ibig na malugod namang tinanggap ng prinsesa dahil sa parehas nitong nararamdaman. Habang sila ay magkasamang namamsyal sa kagubatan ay nagpasya silang magulayaw sa ilalim ng mabangong halaman na madalas ipagmalaaki ng prinsesa.

"Hindi maipagkakailang maganda ang bulaklak ng halamang ito Mariang Maganda, ngunit higit na mas maganda at mabango ang mga halaman at bulaklak sa aming kaharian." sambit ng prinsipe habang hinahaplos ang pisngi ng iniirog.

"Bakit, saan ba ang iyong kaharian?" malambing na tugon ng prinsesa.

"Ang aming kaharian ay hindi kayang marating ng taong may katawang lupa." ang mahiwagang pagsagot ng prinsipeng tila ba mag agam-agam.

"Bakit hindi?" ang natigilang pagtatanong ni Mariang Maganda habang pinagmamasdan ang malungkot na mukha ng prinsipeng kanyang iniibig.

"Kailangan ko ng bumalik sa aming kaharian dahil kung hindi ay hindi na tayo muling magkikita pa. Nais sana kitang isama subalit hindi talaga maari ang mga kagaya ninyo sa aming kaharian. Paalam na irog."

"Nais ko sanang magkita tayong muli dito sa halamanang ito mamayang gabi. Hihintayin kita." pagtangis ng prinsesang nalulungkot sa paglisan ng kanyang minamahal. "Sisikapin ko, irog." pangako ng prinsipe kay Mariang maganda. Nang gabi ngang iyon ay hinintay ni Mariang Maganda ang kanyang iniirog. Bago pa man maghatinggabi ay dumating nga ang prinsipe at lubos na nalugod ang nag-aalalang prinsesa. Magkahawak kamay silang namasyal sa gubat ng magagandang halaman na ang buwan at mga bituin ang tumatanglaw sa kanilang dinadaanan. Kung anu ano ang kanilang pinag-usapan hanggang sa bigla na lang napabalikwas ang prinsipe na tila ba may ttumawag sa kanya.

"Kailangan ko ng lumisan mahal ko. Hindi ako maaring abutan ng hatinggabi, kapag hindi ako umalis ngayon ay hindi na ako makakabalik pa sa amin. Iyong pakakatandaan na ikaw lamang ang aking iniibig." at ginawaran ng isang matamis na halik ang labi ng naguguluhang si Mariang Maganda.

Hindi matanggap na malisan sa kanyang iniibig ay mahigpit nyang hinawakan ang kamay ng prinsipe. Pilt mang hinila ng prinsipe ang kamay ay di nito magawang makawala sa pagkakahawak ng prinsesa. Sa kanilang paghihilahan ay bigla na lamang naglaho na parang bula ang prinsipe ngunit naiwan sa kamay ng prinsesa ang dalawang putol na kamay ng prinsipe. Sa takot ay napabalikwas ang prinsesa at tinungo ang isang malapit na hukay. Doon itinapon at ibinaon ni Mariang Maganda ang mahiwagang kamay ng kanyang tinawag na irog.

Muling nagbalik ang prinsesa sa kagubatan matapos ng ilang araw para makita lamang na may kakibang halaman na tumubo kung saan niya ibinaon ang mahiwagang kamay ng prinsipe. Malalapad ang mga dahon ng halaman na ito at walng mga sanga. Matapos ng ilang araw ito ay namulaklak. Araw-araw na bumalik ang prinsesa sa kagubatan hanggang ang bulaklak ay napalitang ng bynga. Ang bunga ng kakaibang halaman at tila ba kamay na nag-iimbita. Ito na ang kauna-unahang saging.
alamat ng saging, saging alamat

Alamat ng Sampalok

E-play lang po ang video na nasa baba. Ito po ang Alamat ng Sampalok.

Noong unang panahon ay may isang matandang babae na naninirahan sa tabi ng ilog. Wala siyang ginagawa kundi ang maglinis ng kanyang bakuran at diligin ang kanyang mga pananim.

Isang araw, may nanghingi ng kanyang ilang pananim. Ang matanda ay nagalit at pinalayas ang bata. Madamot ang matanda tuwing may pupunta sa kanyang tahanan upang humingi ng tulong, agad niyang pinalalayas ang mga ito.

Minsan ay isang diwata ang nagpanggap na isang babaeng madungis. Humingi siya ng makakain. Nagalit ang matanda at pinalayas ang babaeng madungis. Nagalit ang diwata sa ginawa ng madamot na matanda.

Dahil sa iyong pagiging labis na madamot, kahit na marami ka namang pananim na maaring ibahagi sa iyong kapwa, ikaw ay aking paparusahan. Sa ilang saglit ang matandang babae ay naglaho at ang lugar na dating kinatitirikan ng kanyang bahay ay naging lawa.

Sa katagalan ng panahon ang lawa ay natuyo at may tumubong isang puno. Ang lahat ng taong napapadaan sa nasabing puno’y napapahinto dahil sa dami ng bungang nakasabit sa mga sanga. Ngunit natatakot silang pumitas dahil hindi nila alam kung maaring kainin ito.

Isang binata ang napadaan at tinangkang kumain ng bunga ng puno. Itinapon nito agad ang nasabing bunga pagkatikim dahil sa sobrang asim. Nasabi ng binata na ang bunga ay katulad ng matandang madamot na dating nakatira sa lugar na iyon. Punung-puno ng bunga ang puno, ngunit sobrang asim naman ng laman.

Alamat ng Durian Filipino Aralin


Noong unang panahon may isang Sultan na nagngangalang Makan-ali.  Nagpakasal siya sa isang katulong.  Nagkaroon sila ng anak na babae at tinawag nila itong Duri. 
Hindi namana ni Duri ang magandang mukha ng kanyang ina kaya walang manligaw sa kanya.  Ngunit sa kabila ng pangit na mukha ni Duri ay mayroon naman siyang malinis at magandang kalooban.
Naging malungkot ang buhay ni Duri.  Bagamat masagana ang kanyang buhay ay malungkot pa rin siya sapagkat wala siyang kaibigan.  Lahat ng kasing-edad niya ay nangagsipag-asawa na.  At lalo pang nalungkot sapagkat masaya ang mga ito sa piling ng kanilang pamilya.
Sa labis na kalungkutan ay nagkasakit si Duri.  Lahat ng gamot ay sinukuban na ngunit hindi pa rin siya gumagaling.
alamat ng durian

Isang gabi ay nakarinig siya ng isang napakagandang awit. Napakalambing nito at labis siyang naakit.  Pinilit niyang bumangon kahit nanghihina ang kanyang katawan at hinanap ang pinagmulan ng awit.  Kinabukasan ay natagpuan na lamang ng kanyang magulang si Duri na wala nang buhay malapit sa tabing dagat.  Ipinalibing siya ng kanyang magulang sa gilid ng kabundukan.
Maraming taon ang lumipas at nakalimutan ng mga tao si Duri.  Isang araw ay napansin nila ang isang puno sa lugar na pinaglibingan kay Duri.  Ang bunga nito ay tulad ng langka ngunit napakasama ng amoy.
Iniwasan ng mga tao ang lugar na iyon sapagkat ang bunga na nababalot ng tinik ay napakasama ng amoy.  Itinulad nila ang bunga kay Duri ang dalagang inilibing sa lugar na iyon.

Ano ang Panitikang Pilipino?



Ang panitikan ay nagsasabi o nagpapahayag ng mga kaisipan, mga damdamin, mga karanasan,hangarin at diwa ng mga tao. At ito rin ang pinakapayak na paglalarawan lalo na sa pagsulat ngtuwiran o tuluyan at patula.

Ang salitang panitikan ay nanggaling sa salitang "pang-titik-an" na kung saan ang unlaping"pang" ay ginamit at hulaping "an". At sa salitang "titik" naman aynangunguhulugang literatura (literature), na ang literatura ay galing sa Latin na litterananangunguhulugang titik.Nagsasalaysay din ito sa pamahalaan, lipunan at mga pananampatalaya at mga karanasang may kaugnay ng iba’t ibang uri ng damdamin tulad ngpag-ibig, kaligayahan, kalungkutan, pag-asa, pagkapoot, paghihiganti, pagkasuklam, sindak at pangamba.

Dalawang Uri ang Panitikan 

1. Patula – Ito ay nabubuo sa pamamagitan ng pagsasama-sama ng maaanyong salita sa mga taludtod na may sukat o bilang ng mga pantig at pagtutugma ng mga salita sa hulihan ng mga taludtod sa bawat saknong. Kabilang ditto ang mga sumusunod: tulang liriko, tulang pasalaysay, tulang pangtanghalan, at patnigan.

2. Tuluyan o Prosa – Ito ay nabubuo sa pamamagitan ng malayang pagsasama-sama ng mga salita sa mga pangungusap. Hindi limitado o pigil ang paggamit ng mga pangungusap ng may-akda. Kabilang ditto ang mga sumusunod: maikling kwento, nobela, dula, alamat, pabula, talambuhay, sanaysay, balita ateditoryal.

Ano ang Panitikang Pilipino?Dahilan sa Pag-aaral ng Panitikang Pilipino
1. Upang makilala ang kalinangang Pilipino, malaman ang ating minanang yaman ng kaisipan at taglay na katalinihan ng lahing ating pinagmulan.
2. Upang matalos natin na tayo’y may marangal at dakilang tradisyon na nagsilbing patnubay sa mga impluwensya ng ibang mga kabihasnang nanggaling sa iba’t ibang mga bansa.
3. Upang mabatid natin ang mga kaisipan sa ating panitikan at makapagsanay upang maiwasto ang mga ito.
4. Upang malaman an gating mga kagalingan sa pagsulat at mapagsikapang ito ay mapagbuti at mapaunlad.
5. Bilang mga Pilipinong mapagmahal at mapagmalasakit sa ating sariling kultura ay dapat nating pag-aralan an gating panitikan. Tayo higit kanino man ang dapat magpahalaga sa sariling atin.


Mga halimbawa ng Panitikan

1. Pabula
2. Anekdota
3. Talumpati
4. Nobela
5. Alamat
6. Sanaysay
7. Epiko
8. Balita
9. Maikling kwento
10. Dula
11. Talambuhay
12. Parabula
13. kwentong bayan
14. Kantahan
15. Tanaga
16. Sawikain
17. Salawikain
18. Bugtong
19. Awit at Korido
20. Balad

Buwan ng Wika 2019 Wikang Katutubo: Tungo sa Isang Bansang Filipino

buwan ng wikang pambansa 2019, buwan ng wika 2019 tema at paksa
Ang temang “Wikang Katutubo: Tungo sa Isang Bansang Filipino” ay hinati sa apat na lingguhang tema:
    • Linggo 1 (Agosto 5-9): Ako at ang Katutubong Wika Ko
    • Linggo 2 (Agosto 12-16): Pagbasa at Paglaya: Pagpapalusog ng mga Katutubong Panitikan at Kaalamang-bayan
    • Linggo 3 (Agosto 19-23): Sarikultura: Multilingguwalismo at Pag-uugnayan para sa Isang Bansang Filipino
    • Linggo 4 (26-30 Agosto): Pangangalaga sa mga Katutubong Wika, Pangangalaga sa Bansang Filipino

Bugtong Bugtong 2




bugtong bugtong, halimbawa ng bugtongBugtong:Sinampal ko muna bago inalok.
Sagot: Sampalok

bugtong bugtong, halimbawa ng bugtongBugtong:Ang anak ay nakaupo na, ang ina’y gumagapang pa.
Sagot: Kalabasa

bugtong bugtong, halimbawa ng bugtongBugtong:Nang munti pa ay paruparo, nang lumaki ay latigo.
Sagot: Sitaw


bugtong bugtong, halimbawa ng bugtongBugtong:Munting tampipi, puno ng salapi.
Sagot: Sili

bugtong bugtong, halimbawa ng bugtongBugtong:Nang sumipot sa maliwanag, kulubot na ang balat.
Sagot: Ampalaya

bugtong bugtong, halimbawa ng bugtongBugtong:Ulan nang ulan, hindi pa rin mabasa ang tiyan.
Sagot: Dahon ng gabi

bugtong bugtong, halimbawa ng bugtongBugtong:Gulay na granate ang kulay, matigas pa sa binti ni Aruray, pag nilaga ay lantang katuray.
Sagot: Talong

bugtong bugtong, halimbawa ng bugtongBugtong:Maliit na bahay, puno ng mga patay.
Sagot: Posporo

bugtong bugtong, halimbawa ng bugtongBugtong:Sa maling kalabit, may buhay na kapalit.
Sagot: Baril

bugtong bugtong, halimbawa ng bugtongBugtong:Huminto nang pawalan, lumakad nang talian.
Sagot: Sapatos

bugtong bugtong, halimbawa ng bugtongBugtong:Isa ang pasukan, tatlo ang labasan.
Sagot: Kamiseta

bugtong bugtong, halimbawa ng bugtongBugtong:Walang sala ay ginapos, tinapakan pagkatapos.
Sagot: Sapatos

bugtong bugtong, halimbawa ng bugtongBugtong: Nang maliit ay mestiso nang lumaki ay negro.
Sagot: Abo ng sigarilyo

bugtong bugtong, halimbawa ng bugtongBugtong:May dahon ay di halaman, maraming mukha'y walang buhay ang laman ay karunungan.
Sagot: Aklat

bugtong bugtong, halimbawa ng bugtongBugtong:Pagsipot pa lang sa maliwanag, kulubot na ang lahat.
Sagot: Ampalaya


Maari niyo ring e-play ang video sa baba. Mas mainam ito sa mga mag-aaral. Ang sagot ay lilitaw pagkatapos ng ilang segundo. Mabisa ito sa mga may test at gustong mamemorya ang mga bugtong.

Bugtong Bugtong

 
bugtong bugtong, halimbawa ng bugtongBugtong: Kay lapit-lapit na sa mata, di mo pa rin makita.
Sagot: Tenga

bugtong bugtong, halimbawa ng bugtongBugtong: Heto na ang magkapatid, nag-uunahang pumanhik.
Sagot: Mga paa

bugtong bugtong, halimbawa ng bugtongBugtong: Dalawang batong itim, malayo ang nararating.
Sagot: Mga mata


bugtong bugtong, halimbawa ng bugtongBugtong:Dalawang punsu-punsuhan, ang laman ay kaligtasan.
Sagot: Suso ng Ina

bugtong bugtong, halimbawa ng bugtongBugtong:May tubig na pinagpala, walang makakakuha kundi bata.
Sagot: Suso ng Ina

bugtong bugtong, halimbawa ng bugtongBugtong:Batong marmol na buto, binalot ng gramatiko.
Sagot: Ngipin


bugtong bugtong, halimbawa ng bugtongBugtong:Baboy ko sa pulo, ang balahibo’y pako.
Sagot: Langka

bugtong bugtong, halimbawa ng bugtongBugtong:Nakayuko ang reyna di nalalaglag ang korona.
Sagot: Bayabas

bugtong bugtong, halimbawa ng bugtongBugtong:Isang prinsesa nakaupo sa tasa.
Sagot: Kasoy


bugtong bugtong, halimbawa ng bugtongBugtong:Ate mo, ate ko, ate ng lahat ng tao.
Sagot: Atis

bugtong bugtong, halimbawa ng bugtongBugtong:Isang tabo, laman ay pako.
Sagot: Suha

bugtong bugtong, halimbawa ng bugtongBugtong:Kung tawagin nila’y “santo” hindi naman milagroso.
Sagot: Santol
bugtong bugtong, halimbawa ng bugtongbugtong bugtong, halimbawa ng bugtong bugtong bugtong, halimbawa ng bugtong
bugtong bugtong, halimbawa ng bugtongBugtong:Bulaklak muna ang dapat gawin bago mo ito kanin
Sagot: Saging

bugtong bugtong, halimbawa ng bugtongBugtong:Hindi Lingo, hindi piyesta, naglawit ang bandera
Sagot: Dahon ng Saging

bugtong bugtong, halimbawa ng bugtongBugtong:Tatlong bundok ang tinibag bago narating ang dagat.
Sagot: Niyog
bugtong bugtong, halimbawa ng bugtongbugtong bugtong, halimbawa ng bugtongbugtong bugtong, halimbawa ng bugtong
bugtong bugtong, halimbawa ng bugtongBugtong:Isang pamalu-palo, libot na libot ng ginto.
Sagot: Maisg

bugtong bugtong, halimbawa ng bugtongBugtong:Bahay ni Gomez, punung-puno ng perdigones
Sagot: Papaya

bugtong bugtong, halimbawa ng bugtongBugtong:Nang maglihi’y namatay, nang manganak ay nabuhay.
Sagot: Puno ng Siniguelas